تجربتي مع الكيراتين المعالج من كيرا سبا و كل ما تحتاجين معرفته عن الكيراتين وأحسن المنتجات و الشامبوهات

by - Monday, June 22, 2015


**0122 553  للاستفسار او طلب أي منتج اتصلي علي الرقم ده  7065** 

انهاردة هحكيلكم عن تجربتي (أو معني أصح تجربة أختي لأني معملتش كيراتين شخصيا) مع الكيراتين المعالج من شركة كيرا سبا البرازيلية. بس الأول لازم تعرفوا طبيعة شعر أختي.  شعرها سميك و مجعد و كيرلي جدا في الطبيعة بس علي طول كانت بتفردi عند الكوافير فرد عادي بس المشكلة ان الفرد محتاج متابعة كل كام شهر و لازم يرجعوا يعيدوا عليه عشان الشعر اللي بيطلع جديد ففكرنا اننا نجرب الكيراتين بما انه  معالج و بيساعد علي تطويل و اصلاح الشعرو فرده

 طلبنا أزايز الكيراتين من شركة كيرا سبا و كانت المعاملة كويسة جدا و جالنا الطلب لحد البيت. الطلب بيبقي عبارة عن ثلاثة عبوات تكفي من ثلاثة الي اربعة اشخاص بس اخواتي الاتنين عملوا مع بعض واستخدموا طلب كامل بما ان شعرهم من النوع التقيل.  و العبوات مع بعض اتكلفوا 1800 جنيه و كمان طلبنا الشامبو الخاص للشعر المعالَج بالكيراتين و ده اتكلف 
180 جنيه احنا مطلبناش البلسم لكن هو تكلفته زي الشامبو بالظبط. أنا صورت  كل حاجة جت مع الطلب


"Kera 1" و "Kera 2" و  "Kera 3" دول العبوات





العبوة 300 مل



(دي شنطة الشركة (مش بتيجي مع الطلب





و مناسب جدا للشعر المصبوغ والشعر المعالج "Sulphate free" و ده الشامبو







الطلب بيجي معاه كاتالوج كمان فيه  كل الخطوات اللي تقدروا تستعملوا بيها المنتج. ممكن كمان تتفقوا مع الشركة انها تبعتلكوا خبيرة تقوم هي بالخطوات دي في البيت كمان لو تحبوا واحنا فعلا اتفقنا مع الخبيرة دي و جتلنا البيت.

أختي الصغيرة عملت الأول و أول خطوة هي انها تغسل شعرها بالشامبو و تنشفه بالفوطة و بعدين الخبيرة بتقوم بتقسيم شعرها و وضع مادة الكيراتين علي شعرها بالفرشة خصلة خصلة


و بعد كدة الشعر بيتنشف بالسيشوار بس بيطلع دخان كتييييير جدا بسبب المادة اللي علي الشعر عشان كدة يفضل تكون العملية دي في مكان مفتوح مثلا جمب البلكونة أو جمب شباك



و بعد السيشوار تقوم الخبيرة باستخدام مكواة علي الشعر لتثبيت المادة وكل خصلة بتتكوي اكتر من عشر مرات




و ده شكل الشعر بعد الكوي و هي لسة المادة عليه. بعد كدة بتسيب المادة علي الشعر شوية و بعدين بيتشطف و يتحط البلسم الخاص

بعد وضع البلسم الخاص و تركه علي الشعر بيتم غسل الشعر بشامبو خاص و لازم يكون  خالي من الكبريتات (sulphate Free)
 والشامبو اللي استخدمته أختي  المرِة الدي مش كيرا سبا.
"GK Hair" استخدمت شامبو










بيتم غسل الشعر بكمية صغيرة من الشامبو و بعدين بيترك لحد ما ينشف لوحده من الهوا من غير أي سيشوار أو أي حاجة و ما بيتحطش علي الشعر أي نوع من منتجات الشعر العادية



 
   سعر الشامبو جنيه180 
و البلسم كمان سعره 
جنيه180 

و دي النتيجة الأخيرة




شكرا جدا لمتابعتكم للموضوع
احكيلي تجربتك


You May Also Like

0 comments

.

.