ريفيو: تجربتي مع كريم أساس للبشرة الدهنية REVIEW: Essence Cosmetics All About Matt Foundation

by - Sunday, July 31, 2016


ده فيديو سريع و باقي الريفيو تحت الفيديو



ازيكوا! انهارده هقولكم تجربتي مع كريم اساس ُ
Essence Cosmetics "All About Matt oil-Free"
صورت فيديو عشان تشوفوا استخدمته ازاي بالظبط. اتمني يعجبكم و يا ريت تعملوا لايك لو عجبكم
انا جبت الكريم ده من حوالي اسبوع او اتنين كده و كان ب 55 جنيه. الكريم ده من ماركة حلوة أوي بتتباع في مصر و في اوروبا كمان. ده شكل الكريم



العلبة صغيرة شوية علي السعر. هو عبارة عن 30 مللي. اللي شدني للكريم ده انه مفهوش زيوت و انه مناسب للبشرة الدهنية بس في نفس الوقت ليه انعكاس بسيط و ده بيخلي شكله مش ناشف أوي علي البشرة


:اللي حبيته في الكريم ده
انه خفيف علي البشرة,محستش بيه-
انه ليه لمعة بسيطة أوي بتخلي شكل البشرة شبابي-
انه بيفضل لوقت-نوعا ما- طويل علي البشرة-
التغطية بتاعته كويسة جدا و مناسبة للاستعمال اليومي-

:اللي محبيتهوش فيه
انه لونه بيتغير شويه بيدي علي برتقالي -
انه بيبين عيوب البشرة من قريب يعني لو عندك حبوب او مسام واسعة الكريم ده مش بيساعدها ده بيبينها اكتر



استخدمت الفرشة دي من
Real techniques 
"Flat contour 301 Brush" 
اسمها
جبتها من محل مكياج بسعر عادي مش فاكرة كانت بكام و استخدمت حركة الضغط الخفيف و بعد كدة استخدمت سفنجة مكياج برضو بالضغط عشان اشيل اي زيادات و
يعني ملزق شوية 
Stickyاستخدمت شوية بودرة عشان الكريم كان
و ده كان الشكل الاخير


دي تجربتي مع الكريم ده. انا شخصيا ماعجبنيش أوي شكل الكريم علي بشرتي لأنه بيخلي المسام واضحة جدا ودي حاجة بحاول اتجنبها لكن انا هخلطه مع كريم اساس
Loreal True Match
و مع مرطب عشان يديني الشكل اللي أنا عايزاه. شكرا لمتابعتكم و دعمكم المستمر و قولولي لو عايزين ريفيوز تاني بالعربي اكيد هعمل اكتر لو عجبوكم

قبل ما تمشي شوفي ريفيو غسول الوجه ناتري هنا

You May Also Like

0 comments

.

.