ريڤيو: تجربتي مع مسكرة، كونسيلر، بودرة و كريم اساس essence cosmetics

by - Friday, August 19, 2016





 
 ازيكوا 
essence كنت قبل كدة وريتكوا علي سنابتشات اني اشتريت شوية منتجات من 
 و قلت اني هعمل عليها ريفيو اقولكوا رأيي فيها. عشان كدة انهاردة حبيت اني اجرب معاكوا المسكرة و الكونسيلر و البودرة و كمان كريم الاساس اللي جبتهم




كريم الاساس (ِAll about matt foundation) ٥٥ جنيه

انا كنت عملت عنه ريفيو منفصل بفيديو و صور و كل حاجة ، دوسوا هنا لو عايزين تشوفوه




الكونسيلر (Stay natural concealer) ٣٥ جنيه



من اكتر المنتجات اللي عجبتني من الحاجات اللي جبتها. عجبني فيه ان شكله مميز. عامل زي قلم الايلاينر الفلماستر و فيه فرشة في آخره و كمان في حتة من تحت بتتلف عشان تطلع المنتج من الازازة للفرشة و ده بيخليه سهل الاستعمال. بس نصيحة لو جبتيه بلاش الحماس اللي في الأول انك تلفيه جامد اوي عشان ميتدلقش منك عشان ده حصل معايا
  
الكنسيلر عجبني أوي من أول ما استعملته. مبيبقاش واضح تحت العين و مبيعملش ملمس غريب تحت العين لأنه خفيف. بحط (المفروض) حبة قليلة تحت عيني و بوزعها يا أما بالضغط الخفيف يا أما بفرشه بس انا بفضل استعمل نفس الفرشة بتاعت كريم الاساس بتدي شكل احسن و الطف تحت العين. ملحوظة: لو هتجيبي الكنسيلر بلاش تحطيه فوق الفاونديشن (يعني لما تيجي تحطي كريم الاساس ال"مات" سيبي منطقة العين فاضية) و بلاش تحطيه قدام المروحة لأنه بينشف و مش هتلحقي توزعيه كويس. والاحسن في الحالة دي انك تحطيه تحت كل عين لوحدها بدل ما تحطيه تحت العينين ف نفس الوقت عشان عقبال ما توزعيه هنا ممكن يكون نشف الناحية التانية (يا رب تكونوا فهمتوني




البودرة (Mattifying compact powder) ٤٥ جنيه

  عجبتني زي الكنسيلر بالظبط. البودرة نفسها رفيعة مش سميكة يعني مش هتكتل. و غير كدة ملمسها مش طباشيري اوي يعني مش بتفضل تطير ف كل مكان. انا اصلا قبل ما أجيبها كنت بدور علي بودرة حلوة ميكنش فيها جليتر يعني "مات" تماما و دي كدة فعلا عشان كدة دي أكتر حاجة عجبتني فيها




المسكرة (I 
 extreme volume mascara) ٥٥ جنيه


دي بقي مش متأكدة منها. اول ما جربتها عجبتني بعد كدة لقيتها بتكتل جامد. في الاول 
مكنتش متأكدة من الفرشة و مكنتش عارفة اجيب انهي مسكرة عشان كلهم سعر واحد مع اختلاف الفرش. فا جبت دي. هي حلوة عموما بتكثف الرموش بس بيبقي في شوية تكتل بحاول اقلله بأني بعد ما أحط طبقة اسيبها تنشف و بعدين احط واحدة تانية بدل ما أحط كتير مرة واحدة و ده اللي وريته في الڤيديو. لما خرجت بالمسكرة فضلت معايا طول اليوم و مشفتش اي قطع منها تحت عيني زي ما بيحصل مع مسكرات تانية (هو ده جمع  مسكرة؟ ¯\_(ツ)_/¯ 
و ده الشكل الاخير للمسكرة

علي اليمين حطيت مسكرة كتير مرة واحدة و علي الشمال حطيت طبقة, سبتها تنشف بعد كدة حطيت طبقة تانية و هكذا. حبيت شكلها كدة اكتر



من الآخر



Foundationال
 مش هشتريه تاني لو خلص  و مش حاسة ان السعر مناسب للكمية. بس هو مش اوحش كريم اساس يعني ممكن يناسب ناس تانية لكن انا ما عجبنيش اوي.

الكنسيلر

 حلو قوي ممكن ابقي اشتريه تاني

• البودرة

 عجبتني جداا و اكيد لو خلصت هشتريها تاني. مناسبة للاستعمال اليومي.
المسكرة

 هحاول اتصرف في مشكلة التكتل لأن المسكرة حلوة نوعا ما و لو لقيت حل لتكتل المسكرة اكيد هقولكوا.
بس كدة

 essence شكرا لمتابعتكوا. و لو بتستعملوا اي حاجة من
 قولولي رأيكوا فيها في كومنت. انا شخصيا عايزة اجرب الروچ بتاعهم و الروچاچو. متنسوش تعملوا سابسكريب من هنا


You May Also Like

0 comments

.

.