ريفيو: تجربتي مع كريم نيفيا المرطب بفيتامين ه و خلاصة التوت " Nivea Natural Fairness face & body cream"

by - Thursday, January 05, 2017


ازيكوا عاملين ايه؟ بتمتحنوا ولا انا بس؟  T_T 
انهاردة هكلمكوا عن
  " Nivea Natural Fairness face & body cream" 

و ده كريم مرطب من نيفيا بخلاصة التوت و فيتامين E و المفروض انه للوش و للجسم و انه لجميع انواع البشرة. 
انا شخصيا مابشتريش منتجات نيفيا من ساعة ما جربت الكريم الازرق بتاعهم التقيل أووي ده.

أسوأ كريم استعملته و كرهني في المرطبات كلها. بس اختي جابت الكريم ده و قلت اجربه و اشوف كدة هو حلو ولا ايه.
أول حاجة لاحظتها فيه انه ريحته حلوة و خفيفة و ماعتقدش انها ممكن تضايق حد ما بيحبش المنتجات ال فيها ريحة.
تاني حاجة غريبة لاحظتها فيه هي تركيبته. لاحظت انه كتلة متماسكة ف بعضها كدة و حسيت انه عليه مايه او مبلول نوعا ما. لما جيت احط منه لاحظت انه متماسك و محتاج اني اغرس ايدي عشان اخد الكمية ال عايزاها. مش عارفة اوصف تركيبته بالظبط بس هي مختلفة أول مرة اتعامل معاها. يعني ملمسه مش زي باقي المرطبات التانية ال متعودين عليها


بس لاحظت كمان انه خفيف علي البشرة و مش تقيل ابدا.
احتجت كمية مش قليلة لترطيب الوش كله و ده طبعا بيختلف من بشرة للتانية بس هو سريع الامتصاص و مش دهني. رغم اني شايفة انه مش مرطب قوي لكني شايفاه مناسب للاستعمال اليومي للصبح مثلا للشغل او الجامعة. و لو واحدة مثلا بتحط مكياج فوق المرطب مش بيعمل مشكلة لأنه بيمتص بسرعة و ما بيغيرش ف تركيبة كريم الاساس ( ده طبعا لو سيبنا وقت كافي ما بين استعمال المرطب و المكياج) .
الكريم مكتوب عليه انه بيفتح و بيخلي لون البشرة متناسق لكني ملاحظتش حاجة زي دي. الصلاحية 12 شهر بعد الفتح و سعر العلبة الصغيرة( 50 مل) 16 جنيه. اديله ٥.٥ من عشرة من وجهة نظري. لو عندك كريم مفضل سيبي كومنت عنه و هاجربه



You May Also Like

0 comments

.

.