مجموعة Akasia Medulla غسول, مرطب للجسم و للوجه W plus و b12 plus كريم مرطب

by - June 13, 2018




 : هانتكلم الأول علي مجموعة

"W plus" / "W+"

                         غسول وجه -
   مرطب للوجه و اليدين -
               مرطب للجسم -

___________________________________________

الغسول

المكونات



الغسول كويس و بحتاج منه كمية قليلة بتكفي الوش كله, لكن مشكلته الوحيدة بس انه بيتغسل بصعوبة شوية يعني بيحتاج غسل كذا مرة علشان يتشال لكن غير كدة مافيش مشكلة تانية و مش بيسبب تهيج للبشرة

[الغسول ممكن كمان تستعمليه للمناطق الحساسة]
______________________________________________________

مرطب الوجه و اليدين 






المكونات 


المرطب ده أكتر منتج باستعمله من التلاتة, المرطب حلو و مش بيسيب اثر ولا ملمس مش مريح زي ما مرطبات تانية بتعمل ده غير انه  بيمتص بسرعة. مشكلته الوحيدة انه ساعات بيحرق شويه أول ما أحطه لكن بعد شوية مش بيضايقني, هو اصلا مكتوب عليه انه ممكن يحرق شوية و عشان كدة المفروض نتجنب منطقة العين

مكتوب كمان ان الحرقان ده أصحاب البشرة الحساسة بيتعرضوا ليه أكتر لكن زي ما قلت بيروح علي طول

"Avoid  the eye contour"
"It's possible to feel a slight temporary tingling sensation, especially on sensitive skin"

و ده الكلام ال قلته فوق

___________________________________


مرطب الجسم
 
المكونات



ده مرطب حلو جدا للجسم, باستعمله بعد الشاور الحلو فيه انه ليه

dual action

بيعمل حاجتين يعني, أول حاجة انه بيقشر الخلايا الميتة و تاني حاجة انه بيرطب الجسم.
و ده بيعالج مشاكل كتير في البشرة زي الجلد المقشر و الميت و مع الاستعمال المتكرر بيجدد خلايا البشرة و بيرطبها و معني كدة انه ممكن يشيل اثار الحبوب.
الحاجة الوحيدة الممكن ازودها انك لو جبتيه ما تستعمليش كمية كبيرة عشان بيبقي صعب توزيعه يعني كمية قليلة كفاية


المرطب يحتوي علي ال

"Aloe vera gel"

و ده بيرطب و يعالج جروح البشرة و الاتهاب
_______________________________

المرطبين ال اتكلمت عليهم فوق هم الاتنين فيهم

"Kojic acid"

و ده ليه فوايد كتيرة للبشرة و اهمها انه  بيفتح المناطق الغامقة و بيشيل اثار الحبوب و يعالجها

+

"Glycolic acid"و ده بيعالج الخطوط الدقيقة و حب الشباب والرؤوس السودا و بيتخلص من الجلد الميت

________________________

المجموعة كلها مافهاش مشاكل,
 مشكلتي الوحيدة هي الريحة, ماعجبتنيش خالص
_____________



بعد كدة جربت

"B12 Plus cream"

Akasia Medulla برضو من
ده بقي ريحته مضايقتنيش و مرطب حلو جدا عجبني اكتر من ال اتكلمت عنه فوق.

 فيه مكونات طبيعية زي ال 
 aloe vera gel و chamomile extract  و ginseng extract
ده غير انه فيه فيتامينات زي 
C  و vitamin A و أهمهم فيتامينات ب 

و دي المكونات 


الكريم بيوازن الافرازات ال بتسبب ظهور الحبوب و انسداد المسام

ده غير انه بيمنع ظهور علامات التقدم في السن


أهم حاجة تاخدي بالك لو هاتستعملي أي منتج فيه مكونات طبيعية انك تعملي
allergy test

بانك تجربي المنتج علي ايديك الأول بكمية صغيرة عشان تشوفي عندك حساسية من أي مكون من المكونات ولا لأ
________________

 بس كدة دي كل حاجة حبيت اقولها عن المنتجات دي بعد ماجربتها ماتنسيش تسيبي comment لو عندك سؤال 

شوفي كل المنتجات الجربتها من هنا

Related Posts

4 comments

  1. وماذا عن akasia skin guard
    ??

    ReplyDelete
  2. ممكن اعرف سعر المنتجين اية

    ReplyDelete
  3. ممكن اعرف سعر المنتجين اية

    ReplyDelete
  4. الغسول ومركب الوجه كل واحد بحوالي ١٥٠جنيه أما مىطب الجسم ب٤٠٠

    ReplyDelete

.