ريفيو: رأيي في غسول الوجه توبي-جينت سيبم رغوة منظفة Sebum Topi-gent cleansing foam

by - January 18, 2021


♡ ازيكوا عاملين ايه
 انهارده هقولكم رأيي في غسول الوجه
 "توبي-جينت سيبم رغوة منظفة للعناية اليومية بالبشرة المعرضة للإصاب بحب الشباب"
Sebum Topi-gent cleansing foam - 150 ml

بما إن بشرتي عرضة لظهور حب الشباب, بقالي فترة طويلة ماشية على نظام معين للبشرة بيمنع ظهورها وبيقلل منها. وطبعا زي ما قلنا قبل كدة, حب الشباب علاجه بياخد شهورفا محتاج صبر. وده أنا جربته بنفسي وفعلا بعد كام شهر شفت النتيجة
المهم اني لازم استعمل غسول أو صابونة (زي دي مثلا) مخصصين لحب الشباب كوقاية يومية من ظهور الحبوب ومن كام يوم لما كنت في الصيدلية اشتريغسول لان اللي كان عندي خلص, لفت نظري الغسول ده جدا

أولا لأنه صناعة مصرية, وأنا دايما بحب أجرب منتجات التجميل المصرية
ثانيا بسبب مكوناته الفعالة بما اني صيدلانية وعارفة تأثير المكونات دي على الحبوب, اتشديت للمنتج ده جدا لأنه مليان بمكونات مؤثرة فعلا ده غير انه مقارنة بمنتجات تانية سعره معقول, جبته من الصيدلية ب 125


 بس اللي فعلا لفت نظري فيه هو الفرشة اللي جاية معاه لأني مش بشوفها في في أي غسول خالص ده غير انها وسيله لتنظيف أعمق كمان وبتساعد الغسول يوصل لمناطق أكتر في البشرة خصوصا لو في بقايا مكياج أو مستحضرات على البشرة وزي ما انتم عارفين, البقايا دي ممكن تساعد على سد مسام البشرة وبالتالي تؤدي لظهور الحبوب بشكل أكبر


ياللا نشوف المكونات الأول
Contains: 
Decyl Glucoside, Cocamido Propyl Betaine, Allantoin, Panthenol, Basil Extract, Green Tea Extract, Honey, Ascorbic Acid (Vitamin C), Thyme Oil, Tea Tree Extract, Glycolic Acid, Salicylic Acid & Glycerin.
 اهم مكوناته
ألانتوين: مرطب طبيعي
البانثينول: مرطب ومضاد لالتهاب البشرة
خلاصة الريحان: منظف ومطهر للبشرة ويساعد على تنظيف المسام بعمق
خلاصة الشاي الأخضر: يساعد على التخلص من حب الشباب وبيقلل من افراز الدهون المسببة لحب الشباب
العسل: مطهر ومضاد للبكتريا والجراثيم
فيتامين سي: مضاد للأكسدة ويحافظ على شباب البشرة وتأثير اشعة السمش الضارة
زيت الزعتر: بيساعد على التقليل من نمو الباكتريا المسببة لحب الشباب
 خلاصة زيت شجرة الشاي: المعروف بقدرته على التخلص من البكترياوفعاليته ضد حب الشباب  وتطهير البشرة
وبنسب أقل
حمض الجليكوليك وحمض الساليسيليك: مقشرات كيميائية بتساعد على التخلص من الجلد اللي بيسد المسام ويسبب ظهور الحبوب
جليسرين: مرطب


-طبعا المكونات دي كفيلة -مع الاستعمال المستمر والمواظبة على روتين علاجي للبشرة انها تتخلص من الحبوب بشكل قوي لأنها فعلا من أقوى المكونات لعلاج حب الشباب
وده لأنه بيشتغل على الحبوب من كذا جانب زي ما شفنا في المكونات
بيقضي على الباكتريا - بيقلل افراز الدهون - بيقشر البشرة
طبعا في نسبة ترطيب وتقشير بس أكيد دول مش الهدف الرأيسي من الغسول يعني المقشر مثلا موجود في آخر لستة المكونات يعني موجود بنسبة أقل من باقي المكونات اللي في أول اللستة


الغسول بيكون في شكل رغوة أو 
foam
مش صابون يعني أو سائل مثلا زي غسول ناتري
ينصح باستخدامه مرتين يوميا مرة الصبح ومرة بالليل وينصح كمان ترك الغسول على الوجه لمدة دقيقة قبل ازالته بالماية 

أولا انا بشرتي مخطلتة أكتر لكن عرضة لظهور حب الشباب. وبالتالي حبيت أجرب الغسول ده, طبعا هو بينضف بشكل قوي جدا وخصوصا مع استعمال الفرشة لإزالة أي شوائب على البشرة بس طبعا النتيجة انه بينشف البشرة جدا يعني لازم مرطب بعديه وده بيختلف من بشرة للتانية لكن أنا شخصيا مانصحش بعدم استخدام المرطب بعده خصوصا لو البشرة مخطلتة, هتحتاج مرطب في أماكن أكتر من التانية

معنديش مشكلة تانية معاه لحد دلوقتي وطبعا موضوع انه بينشف البشرة ده متوقع جدا من غسول موجه بشكل خاص لحب الشباب وبالتالي لا ينصح باستخدامه للبشرة الجافة أو الحساسة وكنت سمعت عن غسول من نفس الشركة -شركة ماكرو جروب/ ماكروكابيتال- معمول مخصوص للبشرة الحساسة وبيكون لونه بينك مش تركواز زي ده فا لو بشرتك حساسة ممكن تسألي عليه في الصيدلية

 جربتي الغسول ده أو عايزة تجربيه؟ قوليلنا تجربتك معاه في الكومنتس 

شوفي كل المنتجات اللي جربتها من هنا



Related Posts

0 comments

.