ريفيو: رأيي في غسول الوجه ناتري Natry Facial Cleanser

by - July 18, 2016


ازيكوا؟ انهارده هقولكم رأيي في غسول الوجه ناتري. انا بستعمله بقالي شهر و حبيت اتكلم عنه عشان لو حد محتار يجيبه ولا لأ.
أولا انا بشرتي مخطلتة. دهنية في نص الوش لكن جافة حوالين البوء. معنديش حب شباب ولا حاجة.




اهم حاجة تتعرفي علي نوع بشرتك عشان تعرفي هتجيبي انهي غسول. الغسول ده مش لبشرة معينة. و بعد كدة تتعرفي علي مكونات الغسول. انا بفضل المكونات تكون طبيعية اكتر من الكيميائة. مش شرط تكون دايما الكيميائة مضرة بس انا بفضل عموما المنتجات
الطبيعية.



 دي مكونات الغسول..

الغسول مش ١٠٠٪ طبيعي لكن مكوناته بسيطة اوي و معظمها طبيعي ودي اكتر حاجة لفتت انتباهي فيه. مبحبش اجيب منتجات للبشرة معرفش اقري مكوناتها او تكون مليانة كيماويات عشان ممكن تسبب تهيج للبشرة و احمرار و احتمال تظهر حبوب كمان.
المكونات:


° كبريتات الزنك ZnSo4
° بانثينول - جلسرين بيحافظوا علي نضارة و نعومة البشرة
°حمض الصفصاف و ده مهم لمكافحة الحبوب و طرطيب البشرة
°زيت شجرة الشاي
°خلاصة الزعتر


ال PH level متوازنة في الغسول يعني مش حمضي (acidic) اوي عشان ما يضرش البشرة. 
بستعمله قبل ما انام و مبحتاجش اني استعمل كتير لأن القليل منه بيعمل رغوة كتيرة و كدة بيفضل لوقت اطول. عمومة مبحتاجش اني استعمل مرطب بعديه بس في الاماكن الجافة. انا عموما بفضل استعمل مرطب دايمااااا بعد غسل الوش و قبل النوم بالذات عشان اصحي ببشرة نضرة.



الغسول عموما مالوش ريحة معينة. هو ريحته شبه ريحة الصابون. حاجة واحدة بس بتضايقني فيه انه بيحتاج وقت اكتر عشان يتشال يعني بغسله بالمايه كذا مرة عشان اشيله
لكن غير كدة انا و ماما و اختي بنستعمله و انا شايفاه كويس.





بالنسبة للحبوب، زي ما قلت انا معنديش حب شباب لكن اختي عندها و ملاحظة تحسن.
سعره كان تقريبا ٣٥ جنيه ممكن تلاقوه في الصيدليات او السوبرماركتس 
لو في غسول عاجبك قوليلي بتستعملي ايه في الكومنتس


ريم 

Related Posts

20 comments

  1. ايه رايك فى سينوبار ؟

    ReplyDelete
    Replies
    1. ماجربتش الغسول, جربت الصابونة

      Delete
    2. بس هو سعره ٦٠جنيه دلوقتى

      Delete
    3. هو شهر ٥ اللي فات جيباه ب ١٢٠ 😂😂

      Delete
  2. ارجوك اختي العزيزة والله انا بحاجة ماسة اليه و هنا
    في الجزائر لا يوجد عندنا
    هل استطيع ان احصل عليه من مصر وكيف ؟
    شكرا على مجهوداتك ان شاء الله كلها في ميزان حسناتك

    ReplyDelete
    Replies
    1. ممكن تلاقيه في مصر في الصيدليات الكبيرة

      Delete
  3. انا جبتو ب٥٠جنية

    ReplyDelete
    Replies
    1. حضرتك انا عندي كميات كتير جدا منو الي محتاج يعرفني علي الواتس انا من طنطا 01063604853

      Delete
    2. لسه عندك؟ والشحن لبورسعيد بكام؟

      Delete
  4. غسول ناتري ولاسينوبار ولاهيمالايا؟

    ReplyDelete
    Replies
    1. هيمالايا بينشف الوش اوي

      Delete
    2. هيمالايا بيعمل جفاف

      Delete
  5. طب غسول سينوبار كويس !!
    انا جبته
    بسً بحسه بينشف وشى بعد مااستعمله
    ومش حاسه بتحسن فى الحبوب
    يعنى لسه موجوده

    ReplyDelete
    Replies
    1. انا جربت الصابونة بس و عملت عليها ريفيو كمان لو عايز تقريه https://makeupforlunch.blogspot.com/2019/01/synobar-soap-for-acne-prone-skin.html

      Delete
  6. ايه احسن غسول للبشره المختلطه؟

    ReplyDelete
  7. ايه رأيك ف غسول Isogi

    ReplyDelete
    Replies
    1. مش عارفاه.. ممكن صورة ليه؟

      Delete
  8. هو كويس لحب الشباب

    ReplyDelete
  9. طب بتستعملي اي مرطب ...؟
    وبالنسبه للغسول
    انتي مش بتستعمليه الصبح قبل النزول ولا بتستعمليه قبل النوم بس ؟
    وجزاكي الله خيرا 💕

    ReplyDelete

.