ازيكوا يا بنات عاماين ايه؟ ♡ ♡
حاسة اني بقالي كتير ماكتبتش ريفيو غالبا عشان مش بجرب منتجات كتير و بستعمل حاجة معينة علي طول و مش بغيرها بس لما كنت في السوبر ماركت لقيت عرض علي مرطب هيمالايا بالصبار و الكرز الشتوي.
كانوا علبتين مع بعض ب 50% خصم و انا اصلا كنت عايزة اغير المرطب اللي كنت باستعمله عشان كان تقيل اوي علي بشرة الوجه يعني ممكن يطلع حبوب
دي مكونات المنتج
(دوسوا علي الصورة للتكبير)
(دوسوا علي الصورة للتكبير)
ندخل بقي علي ايه اللي حبيته و اللي ماحبيتهوش في الكريم
المميزات
١) من الحاجات اللي بلاحظها في الكريمات هي ريحتها، و الكريم ده اكتر حاجة عجباني فيه ريحته
٢) تاني حاجة عجبتني فيه انه مش تقيل علي البشرة و كمان سريع الامتصاص
٣) كمان مش بيسيب اثر دهني علي البشرة و مش بيسبب لمعان
٤) بستعمله بعد ما اغسل وشي و رغم ان بشرتي مختلطة و في الحر زيوت البشرة بتزيد عندي، ملاحظتش اي تأثير دهني غير معتاد علي بشرتي خلال اليوم فهو بيرطب
و مابيدهننش
و مابيدهننش
العيب الوحيد اللي انا شخصيا شايفاه (ممكن مايبقاش مشكلة بالنسبة لحد تاني) انه مش
pump جاي في ازازة معاها
نحط منها من غير مانلوث المنتج او تنمو عليه بكتريا بس ده عيب بسيط باتفاداه بإني مش بستعمله غير و ايدي و وشي نضاف عشان امنع انتشار اي بكتريا أو أتربة في المنتج
pump جاي في ازازة معاها
نحط منها من غير مانلوث المنتج او تنمو عليه بكتريا بس ده عيب بسيط باتفاداه بإني مش بستعمله غير و ايدي و وشي نضاف عشان امنع انتشار اي بكتريا أو أتربة في المنتج
أنا شخصيا مش شايفة انه أنسب منتج للبشرة الجافة، هو مناسب اكتر للبشرة العادية و المختلطة و ممكن للدهنية كمان.
معرفش اذا كان مناسب للبشرة الحساسة ولا لأ بس أي حاجة ليها ريحة قوية مش بأرجحها للبشرة الحساسة
شوفي كل المنتجات الجربتها من هنا
