تجربتي مع منتجات امتنان للعناية بالبشرة ( زيت الجوجوبا و صابونة البحر الميت)

من حوالي اسبوعين كدا كنت معدية من جنب امتنان و قلت ادخل اشوف عارضين ايه. ماكنتش اعرف انهم بيبيعوا منتجات عناية بالبشرة كنت فاكرة انهم بس بيبيعوا عسل و حاجات من النوع ده. المهم اني حبيت اوي فكرة ان كل حاجة عندهم طبيعية و مافيهاش كيماويات. كنت بدور علي حاجة جديدة اجربها و خصوصا الزيوت لان الزيوت مفيدة جدا و مغذية للبشرة. فا بعد ما اتكلمت مع الدكتور اللي كان هناك و  ساعدني في اختيار المنتجات المناسبة, قررت اجيب صابونة  البحر الميت و زيت الجوجوبا





الصابونة كانت ب 22
الزيت كان ب 33
السعر حسب الحجم المطلوب

السعر كويس نوعا مش غالي. الصابونة بتنضف كويس جدا و مابتسبش آثار مكياج لكن عندها عيبين, أولا انها بتنشف البشرة و التاني مش
                     mud mask عيب أوي لأنه واضح من اسمها بس ريحيتها مش حلوة ريحيتها نفس ريحة ال
بس دي مش مشكلة لاني بعد مابغسل وشي ريحتها بتروح



الزيت بقي حلو جدا. بعد ما بغسل وشي بالصابونة بحط الزيت علي وشي و خاصة قبل النوم. أول مرة استعمل الصابونة و الزيت قبل النوم تاني يوم صحيت حسيت بفرق كبير جدا في بشرتي. كانت اصفي و انقي بكتير.



لو عايزين تعرفوا أكتر عن
 الزيت دوسوا هنا
الصابونة دوسوا هنا

دي كانت أول مرة استعمل حاجة امتنان بس اكيد مش آخر مرة. عايزة ابقي اجرب صابونة صمغ النحل و عايزة اجرب زيوت تانية كمان. غير اني معجبة جدااا بفكرة المنتجات الطبيعية اللي بيقدموها خصوصا اني بادرس الصيدلة و عارفة اهمية منتجاتهم