"ماي فاميلي, مرطب للشفاه" Lip Care نكهة التوت - ريفيو

by Reem - July 25, 2019

ازيكوا ♡

من فترة كدة كنت محتاجة زبدة كاكاو بس عشان الترطيب اليومي فا لقيت زبدة الكاكاو دي و بصراحة شدني شكلها أوي و حسيتها
simple
أوي يعني ده غير ان أي حاجة بالتوت أكيد هاجيبها.

اسمها

"ماي فاميلي, مرطب للشفاه"

طبعا أنا باستعمل زبدة الكاكاو للترطيب مثلا الصبح بعد ما اغسل وشي أو قبل ما أنام بس أحب أقولكم ان زبدة الكاكاو دي ماتنفعش خااالص للترطيب اليومي لعدة أسباب,

أولا هي -

VERY pigmented
يعني لونها تقييل أوي, يعني اللون ال انتوا شايفينه في الصورة ده هو لونها فعلا من أول مرة مش بعد ما تحطي منها كذا مرة ورا بعض. علي عكس مثلا زبدة كاكاو لونا, بيبقي لونها أحمر أوي بس لما تحطيها مابتبقاش بنفس درجة الحمار دي فا باستعملها عادي و باحط منها كتير للترطيب من غير ما يبقي شكلي
أوي over

ده غير ان قوامها سائل أوي يعني عاملة زي الروج السايح و دي مشكلة برضو عشان كذا مرة أبقي حطاها و ألاقي روج علي سناني أو ساعات حوالين الشفايف يعني لو هاتجيبيها لازم تاخدي بالك أوي وانتي بتحطيها

matte في العادي باستعمل زبدة الكاكاو قبل الروج خصوصا لو الروج مات -
بس للأسف زبدة الكاكاو دي ماتنفعش خالص للموضوع ده بسبب ان لونها هايأثر بشكل كبير جدا علي الروج ده غير قوامها كمان

من الحاجات اللاحظتها برضو ان ريحتها قوية, أنا شخصيا عجبتني ريحتها -

دي طبقة واحدة بس من زبدة الكاكاو علي ايدي, شايفين لونها تقيل ازاي؟

طيب, أنا بصراحة ماعجبتنيش كزبدة كاكاو بس بعد كدة قلت استعملها كروج

trend عارفين
المكياج الكوري و الروج بتاعهم البيكون أحمر أوي و بيلمع كدة؟

هي بقي أنسب منتج ممكن تجيبيه عشان تعملي اللوك ده
و برضو أرخص منتج لأن الميك أب الكوري ممكن يبقي غالي شوية

أنا شخصيا عجبتني أكتر كروج و عشان أعمل اللوك الكوري باحط منها علي كل شفايفي طبقة واحدة بس و بعدين أحط طبقتين كمين في نص الفايف و بس كدة

باقيت باستعملها لوحدها لما اجي أخرج, لونها مميز و قوامها السائل أكتر مخليها بتلمع أوي فا دي حاجة عجباني فيها
و بصراحة بتداري ديفوهات الشفايف يعني لو مش مقشرة شفايفك أو جافة شوية أو متشققة بتداري كل دة و بتبين الشفايف بشكل
youthful
أو شبابي أكتر

أنا بصراحة مش فاكرة جبتها بكام بس دورت علي النت و لقيت ال
brochures
دي, أول واحد فيه أسعار و التاني في كل الأنواع الموجودة

جربتيها قبل كدة؟ لو جربتيها قوليلي في كومنت عجبتك ولا لأ
ولو في زبدة كاكاو مرطبة جربتيها و عجبتك قوليلي عليها
شفتي الريفيو العملته علي مخمرية فيكتورياس سيكريت؟
شوفيه من هنا

شوفي كل المنتجات الجربتها من هنا

♡ ريم -