علاج حب الشباب روتيني وتجربتي مع أكني - بيوتك مضاد حيوي Acne - Biotic مع الصور

لازم روتين العناية بالبشرة كله يتغير-

مش لازم أبدا منتجات غالية بالعكس, الروتين البسيط أحسن حاجة ممكن نلجأ لها -

لازم يكون في خطة علاج نمشي عليها -

أفضل حاجة ممكن نعملها اننا نستشير متخصصين -

خصوصا لو حب الشباب عاملنا مشكلة كبيرة أو مؤلم وزايد عن الحد الطبيعي

وكمان كنت اتكلمت عن صابونة سينوبار ممكن تعرفوا تجربتي معاها كلها من هنا

لأنها كانت جزء كبير من الروتين بتاعي لعلاج حب الشباب

أنا عادة كنت بغسل وشي مرتين في اليوم, مرة الصبح ومرة بالليل باستخدام الصابونة دي

(صابونة سينوبار لعلاج حب الشباب) 

ولو الجو حر أوي ساعات بزود غسلة كمان بس كنت بقلل كمية الصابون أوي لأني مش عايزة ابوظ الطبقة اللي بتحمي البشرة وبتمنع دخول الميكروبات والبكتريا. والطبقة دي بتتأثر بالصابون وعوامل تانية كتير زي مثلا صنفرة

exfoliating

الوش بعنف أو بكثرة. الطبقة دي لو اتأثرت بتزود مشكلة حب الشباب أكتر واكتر عشان كدة لازم ناخد بالنا من الحاجات اللي بنستعملها على بشرتنا وبنستعملها ازاي وكل أد ايه

من الحاجات اللي بتساعد على ظهور الحبوب هي وجود جلد ميت وتراكمه على البشرة

الجلد ده ممكن الزيوت تتجمع تحتيه وتعمل حبوب فا الأحسن لينا اننا نواظب على التخلص من الجلد الميت بالصنفرة 

ممكن نستعمل مقشر كيميائي أحسن من المقشر اللي فيه حبيبات عشان ما طبقة الحماية ما تتجرحش وكفاية أوي مرتين في الاسبوع في أيام بعيدة عن بعض

نيجي بقى لأهم جزء وهو منتج انهاردة

Erythromycin

(إريثروميسين)

إريثروميسين

جبته من الصيدلية

كنت بحط شوية على قطنة نضيفة وأركزها على الحباية نفسها

الروتين ده ساعدني أوي في الحد من انتشار حب الشباب ومع المواظبة فرق جدا معايا ولأنه بسيط ومفهوش خطوات كتير قدرت إني أواظب عليه