synobarسعر صابونة سينوبارسينوبارصابونة سينوبارمكونات سينوبار. صابونة سينوبار بشرة الدهنية علاج حب الشباب
رأيي و تجربتي مع صابونة سينوبار إس لعلاج حب الشباب + المكونات / السعر و صور Synobar - S soap for acne prone skin with sulfur
رأيي و تجربتي مع صابونة سينوبار إس لعلاج حب الشباب + المكونات / السعر و صور Synobar - S soap for acne prone skin with sulfur
💕 ازيكوا
كنت كتبت قبل كدة بوست عن صابونة سينوبار لحب الشباب (ممكن تشوفوه هنا)
بس المرادي هكلمكم عن النوع التاني من الصابونة المدعم بالكبريت
واسم الصابونة سينوبار - إس
SYNOBAR - S
"medicated cleansing soap"
for acne-prone skin -- improved with sulfur
صابونة طبية منظفة للجلد المعرض للإصابة بحب الشباب
بقالي فترة طويلة ماشية على روتين لعلاج ومنع ظهور حب الشباب, وباستعمل صابونة سينوبار كغسول بس من فترة ظهرت الصابونة اللي بالكبريت وقررت أغير وأجربها
جبتها من الصيدلية ب 30 جنيه وفضلت استعملها بقالي كذا شهر: مرتين في اليوم على الأقل (مرة الصبح ومرة بالليل)
الصابونة دي طبعا بتنظف البشرة بشكل كامل ومش بتسيب أي اثار لكن في المقابل طبعا الجلد بيبقى جاف شوية بعد الاستعمال, عشان كدة باستعمل مرطب بعديها
ماتختلفش عن النوع العادي في حاجة لكن مؤخرا بقى بيظهرلي بعض الحبوب تاني
(دوسوا على الصورة عشان تكبروها)
المكونات
زيت الزعتر ,خلاصة زيت اللافندر ,زيت الصنوبر , زيت القرنفل ,زيت شجرة الشاي - زيوت مطهرة للبشرة -
زيت جنين القمح -
+ Salicylic acid -
و ده يعتبر أهم مكون في الصابونة لأنه بينضف البشرة بعمق و دايما هتلاقيه في معظم المنتجات المخصصة لعلاج حب الشباب
ZnO اكسيد الزنك-
صابون و جلسرين -
تقريبا نفس مكونات الصابونة العادية لكن دي زيادة عنها بس في الكبريت
sulfur
وده مادة منظفة للبشرة وبتساعد على تقشيرها على المدى الطويل
لكن لازم ناخد بالنا انه مش مكون بسيط ويستحسن مانستعملش الصابونة من غير استشارة طبيب جلدية وعامة انا مش بانصح باستعمالها على المدى الطويل إلا لداعي طبي
صحيح الكبريت ممكن يعالج حب الشباب لكنه عادة بيتوصف للأمراض الجلدية الأكثر جدية زي الجرب مثلا أو لعلاج حب الشباب في مراحله المتأخرة شوية أو اللي منتشرة في الجسم
وبكدة أنا هرجع تاني استعمل سينوبار العادية أحسن من استعمال الكبريت بشكل يومي بدون داعي وممكن بس استعمل النوع ده مرة في الاسبوع مثلا لو احتجت
حد جرب يستعمل النوع ده؟ قولولي رأيكوا في كومنت تحت
وشوفوا ريفيو غسول ناتري هنا
♡
0 comments